Cabanlas nangusog mapalambo kooperatiba sa Bolonsiri Cemetery

Kinahanglang dili mahikawan ang mga gagmayng mamumo-o nga dako’g natabang sa atong komunidad ilabina kadtong anaa sa ubos nga hut-ong sa katilingban.

Mao kini ang mensahe ni Konsehal Edgar Cabanlas, chairman sa komite sa urban and rural poor and housing development, atol sa gipahigayong General Assembly sa mga sakop sa City Cemetery Memorial Park Laborers Marketing Cooperative nga gitambongan sa kapin 150 ka mga sakop diha sa Chali Beach Hotel sa milabayng adlaw.

Sumala ni Cabanlas nga matag sakop sa kapunungan dako og tabang sa pamilya nga nagkinahanglan sa ilang serbisyo diha sa Bolonsiri Memorial Park.

Niini, gipadangat ni Cabanlas ang mensahe ni Mayor Rolando “Klarex” Uy nga andam kining mosuporta sa mga programa sa kooperatiba aron mapalapdan ug mapalambo ang kapanginabuhian sa tinguha nga masuportahan ang matag pamilya. Alayon niini, gipahalipayan sa konsehal ang mga bag-ong napiling opisyales sa kapunongan.