Cabanlas nagpasalamat sa aksyon sa COWD

Dako ang pasalamat ni Konsehal Edgar Cabanlas, chairman sa Komite sa Urban and Rural Poor and Housing Development, sa positibong aksyon sa kadagkoan sa Cagayan de Oro Water District (COWD) kalabot sa problema sa supply sa panubig dinha sa Canitoan Relocation Site.

Sa milabayng tigom sa komite, si Cabanlas mibutyag nga daghan pa sa mga molopyo sa dapit ang wala pa makutayan sa insaktong linya sa panubig ug maoy kasagarang mulo nga moabot sa iyang opisina.

Niini, si Engr. Edna Najeal sa COWD mipasalig nga ilang susihon ang dapit aron masayran ang panginahanlanon ug mahatagan sa tukmang aksyon.Kinasing-kasing nga gipasalamatan ni Cabanlas ang kadagkoan sa COWD dala ang paglaum nga masolosyonan ang mulo nga gihangyo sa mga residente sa labing daling panahon.