Cabanlas nag-aghat sa kagamhang lokal pag-dugang sa mga medical personnel

Gitinguha ni Konsehal Edgar Cabanlas chairman sa komite sa Urban and Rural Poor & Housing Development nga mag dugang sa mga doctor ug nurses aron motabang pag-abot sa daghang volume sa vaccine karong bulan sa Hulyo ug Agosto ning tuig.

Kini ang unod sa special report ni Cabanlas sa sesyon ni-adtong Lunes nga gidumala ni Bise-Mayor Kikang Uy.

Sumala ni Cabanlas nga ang dakbayan sa Cagayan de Oro ang usa sa makadawat sa daghang bakuna tungod sa pagsaka sa kaso sa Covid-19 hinungdan gikinahanlan nato ang dugang mga medical personnel nga maoy mo-abag aron paspas ang atong vaccination program sa syudad.

Niini matud ni Cabanlas nga dako ang posibilidad nga maminusan ang pagkuyanap sa virus kun daghan katawhan ang mabakunahan kontra Covid-19.

Nanghinaot ang konsehal nga mapangita-an kini ug pama-agi sa tuyo nga ma protektahan ang katawhan ug mapa balik sa pag-bangon ang atong ekonomiya.

Nunot niini giduso ni Bise-Mayor Kikang Uy sa komite sa panglawas ni kagawad Maria Lourdes Gaane alang sa dugang pagto-on ug rekomendasyon.