Cabanlas motuki sa hangyo sa V. Castro H’owners Assn

MAGTIGOM karong alas 10 sa buntag diha sa hawanan sa konseho ang komite sa urban and rural poor and housing development ni Konsehal Edgar Cabanlas ang sulat hangyo sa mga molopyo sa V. Castro Street, barangay Carmen nga mahatagan og ayudang pinansyal aron ibayad sa tag-iya sa loteng ilang gi-okupahan.

Nasayran nga ang maong mga residente nanimuyo sa dapit sukad pa niadtong tuig 1982 ug hangtod ning mga panahuna.

Niini, gidapit sa komite nga motambong sa tigom aron mopaambit sa ilang panahum sila si Atty. Joeffrey Namalata, acting City Housing and Urban Development Officer; Atty. Francis Ku, attorney-in-fact sa mga residente; Engr. Armen Cuenca, hepe sa Task Force Emancipation of Piso-Piso Beneficiaries; kapitan Rosemarie Lorna Uy sa barangay Carmen ug Hernida Bernas, president sa V. Castro Homeowners Association Incorporated.