Cabanlas misusi sa relokasyon dihas Pamalihi, Pagatpat

SI Konsehal Edgar Cabanlas, chairman sa komite sa Urban and Rural Poor and Housing Development, personal nga midu-aw sa kahimtang sa mga molopyong temporaryo nga gipahimutang sa shelter facilities diha sa sitio Pamalihi, barangay Pagatpat. Sumala ni Cabanlas nga nasud-ong ug gibati niya ang kalisod sa kahimtang sa mga benepisaryo tungod kay aduna pay pipila ka kakulangon nga nagkinahanlan sa igong aksyon ug pagtagad sa gobyerno. Niini, iyang gihanyo ang mga benepisaryo nga magbaton sa taas-taas nga pagsabot ug pasensia kay naglihok ug nangita sa tanang pamaagi ang gobyerno lokal aron sila mapahiluna ug makaangkon sa desenteng kapuy-an. Agig tabang sa mga nanimuyo sa dapit, ang konsehal mitunol og foodpacks agig ayuda ilabina karong panahon sa kalisod nga gi-atubang tungod sa krisis sa ekonomiya.