Cabanlas misugyot nga mahinloan ang mga canals sa syudad

SI Konsehal Edgar Cabanlas, chairman sa komite sa urban and rural poor and housing development, namahayag nga mideklara na ang buhatan sa PAGASA nga nag-sugod nang nasinate sa nasud ang La Niña hinungdan nga nasinate na sa syudad ang pag-ulan nga maoy hinungdan sa pagbaha sa pipila ka dapit sa syudad.

Kini ang gipadangat nga special report ni Cabanlas atol sa sesyon ni-adtong Lunes nga gidumala ni Bise Mayor Kikang Uy.

Nanawagan si Konsehal Cabanlas sa mga kadagkuan sa City Engineering Office ug sa Department of Public Works and Highways (DPWH) sa pagpahigayon na og pagpanghinlo sa mga drainage ug canals sa syudad agig pagpangandam sa posibleng mga pag-ulan nga maoy hinungdan sa mga pagbaha.

Dugtong giaghat usab ni Cabanlas nga mang-hinlo sa mga drainage ug canal sa ilang tagsa tagsa ka barangay ang mga kapitanes sa tuyo nga malikayan ang pag-apaw sa tubig tungod sa nagbara nga mga hugaw aron malikayan ang experensia sa milabayng tuig.

Nunot niini, hiniusang gisagop sa konseho ang usa ka resolusyon nga nag-aghat sa DPWH, City Engineers Office ug mga barangay chairman sa pagpahigayon ug declogging o pagpang hinlo sa mga drainage ug canals sa syudad.