Cabanlas mipahurar sa mga bag-ong napiling LGBTQ++ opisyal sa Brgy 17

Si Konsehal Edgar Cabanlas, chairman sa Komite sa Urban and Rural Poor and Housing Development, mipahurar sa mga bag-ong opisyal sa LGBT sa Barangay 17 sa milabayng adlaw.

Kini alayon sa nagsingabot nga kapistahan sa barangay ug pormal nga pag-abli sa ilang night café.

Sa iyang mensahe, gipahibalo ug gipasigarbo sa konsehal ang mga serbisyo ug programa ni Mayor Rolando “Klarex” Uy alang sa kabaranggayan ilabina ang pagtunol sa mga batakang serbisyo ngadto sa mga kabus.

Lakip sa gihatagan og prayoridad sa Mayor mao ang housing program diin liboan na ka mga benepisaryo nga mga kabus ang nakapahimulos sa programa ug natunolan sa ilang tagsa tagsa ka mga titulo sa yuta, sumpay ni Cabanlas.

Niini, iyang gidayeg ug gipasalamatan ang mga napiling opisyal sa LGBT ingon man mga opisyal sa barangay dala ang panghinaot nga magpadayon ang ilang panaghiusa aron maangkon ang dugang kaarangan ug kalamboan sa kinabuhi sa katawhan.