Cabanlas mipahalipay sa nahimong Miss Puerto 2023

HUGOT ang pahalipay ni Konsehal Edgar Cabanlas, chairman sa Komite sa Urban and Rural Poor and Housing Development, sa napiling o niadtong milabayng adlaw.

Si Cabanlas ang usa sa mga pinasidunggang dinapit ug mamomolong sa nahisgutang Miss Puerto beauty pageant.

Ang kalihokan tipik sa gihan-ay nga kalingawan sa konseho sa barangay Puerto ubos sa pamunoan ni Kapitan Josephine Duat nunot sa ilang nagsingabot nga pista sa Inahan sa Kanunayng Panabang karong adlawa, June 27, 2023.

Sa iyang mensahe, si Cabanlas mipaabot sa iyang dakong pagpasalamat sa konseho sa barangay, sa mga kandidata, event coordinators, mga hurado sa maong indigay ug katawhan sa Puerto sa malinawon ug malampuson nga kalihukan nga nagpadayag sa panaghiusa sa tanan.

Gipaabot usab ni Cabanlas ngadto sa mga Puertohanon nga anaa kanunay andam mopaluyo ug mosuporta ang administrasyon ni Mayor Klarex Uy sa mga programa ug proyekto nga sibo ug haum sa panginahanlan sa katawhan.