Cabanlas miaksyon sa mulo sa taga- Zone 2 crossing Lumbia

Nahupay ang kabalaka sa mga residente sa Zone 2 crossing Lumbia Livelihood Association sa barangay Lumbia human giaksyonan sa komite sa urban and rural poor and housing development ni Konsehal Edgar Cabanlas ang hangyo nga mahatagn sa tabang human naigo sa gipatuman proyekto nga road widening sa Department of Public Work and Highways DPWH ang ilang kasamtangang pinuy-anan.

Sa milabayng tigom sa komite, gipasabot ni Cabanlas sa mga molopyo nga dili mahitabo nga dili motabang ang dakbayan sa mga apektadong pamilya nga maigo sa proyekto sa gobyerno.

Kini gawas pa nga walay nadawat nga sulat pahibalo gikan sa DPWH nga naghangyo sa kagamhanang lokal nga matabangan ang mga molopyo pinaagi sa pag-avail sa relocation program sa syudad, sumpay ni Cabanlas.

Nasayran nga 54 ka mga residente ang andam magpa-relokar kay nabalaka usab kay natumbok nga accident prone area ang ilang dapit.

Niini, dapiton sa sunod tigom sa komite ang road engineer sa rehiyonal nga buhatan sa DPWH aron mahatagan sa katin-awan ug matubag ang maong mulo ug kabalaka sa mga molopyo.