Cabanlas miaksyon sa mulo sa taga-Lower Palalan, Lumbia

Si konsehal Edgar Cabanlas, chairman sa komite sa Urban and Rural Poor and Housing Development, mipasabot sa mga molopyo sa Lower Palalan, barangay Lumbia nga dili angayang mabalaka nga ipapahawa sa ilang kasamtangan gipuy-an.

Atol sa milabayng tigom sa komite gipasabot ni Cabanlas nga dili lang angay mabalaka ang mga residente kay lakip nga mahatagan og prioridad sa gobyerno sa socialized housing programa ang mga apektado sa demolisyon.

Apan giklaro sa konsehal nga dili pa maka-sugod sa pagproseso ang syudad pinaagi sa pagpahigayon sa socio economic profile survey kay wala pay nadawat nga Notice to Vacate o’ Court Order nga maoy basihan sa syudad.

Niini, gipahimangno-an ni Cabanlas ang molopyo nga premature pa ang taho nga demolisyon sa dapit ug magpahibalo lang gilayon sa komite kun madawat na niini ang notice to vacate aron mapangitaan og solosyon sa kagamhang lokal, panapos ni Cabanlas.