Cabanlas malaumon mapalambo pagdumala sa OBO

DAKO ang pagtuo ni konsehal Edgar Cabanlas, Chairman sa Komite sa Urban & Rural Poor and Housing Development, nga makab-ot ang kalamboan sa pagdumala  sa Office of the Building Official.

Kon maayo ang pagpadagan sa maong buhatan ginamit ang mga bag-o ug modernong teknolohiya, mas mapadali pa ang pag-proseso sa mga dokumento sa mga aplikante, pahayag sa Konsehal.

Kini ang gipaambit nga panahum ni Konsehal Cabanlas sa sesyon niadtong lunes nga gidumala ni Bise Mayor Bebot Rodriguez kabahin sa appointment confirmation ni Engr. Ma. Rossanna D. Rodriguez isip bag-ong department manager sa OBO.

Sumala sa konsehal nga dako ug papel sa paspas nga kalambuan sa syudad ang maong buhatan, gani nalatid ang dakbayan sa ikatulo nga paspas ang pag-usbaw sa ekonomiya sa nasud ug kinahanglan nato kining mamintinar, sumpay ni Cabanlas.

Malaumon si Cabanlas nga mapadayon ni Engr. Rodriguez ang maayong  pagdumala sa maong buhatan alang sa dugang kalambuan sa syudad.