Cabanlas: Makatabang ang financial assistance sa mga kapunongan

GIHINGUSGAN ni Konsehal Edgar Cabanlas, Chairman sa Komite sa Urban and Rural Poor Housing Development, nga mapahimuslan sa mga nagkadaiyang asosasyon ang programa sa gobyerno lokal  nga maghatag og  20%  financial assistance  sa lote  nga buot nilang paliton.

Sa tigom sa komite sa milabayng semana, mibutyag  ang konsehal nga mao kini ang resulta sa iyang paninguha nga maamendar ang balaod nga ang lokal nga kagamhanan  mahimong makapahulam gikan sa  10% ngadto   sa 20% aron labing  makatabang  sa mga kapunongan.

Gipasabot ni Konsehal Cabanlas nga ang tanan kapunongan sa syudad pwedeng makapahimulos sa maong programa sa gobyerno basta mosubay sa mga gabayan ug rekisitos nga gisita alang sa maong katauyuan.

Niini ang maong programa giduso sa komite ngadto sa City Legal Office alang  sa dugang pagtuon ug rekomendasyon.