Business Community Solid Waste Management sa Indahag mapatuman

HAYAN mapalapdan pa ang programa sa Barangay Indahag diha sa pagpatuman sa balaod bahin sa Solid Waste Management Segregation.

Kini human ang Konseho sa sesyon niadtong Lunes nga gidumala ni  Presiding Officer Protempore Konsehal Romeo Calizo  misagop   og resolusyon  nga nag-uli sa ordinansa sa barangay nga  gitawag og Business Community Solid Waste Management sa Barangay Indahag.

Ang maong ordinansa nagmando sa tanang negosyante ug operators sulod sa barangay nga magbutang og trash can o trash bin atubangan sa ilang mga establisemento.Tumong sa barangay ang hustong pagdumala sa ilang mga basura ug makab-ot ang zero waste volume.

Ang resolusyon nga gipalabang sa konseho alang sa maong katuyuan gipaluyohan sa komite sa barangay affairs ni Konsehal Yan Lam Lim ug sa komite sa pamalaod ug reglamento ni Konsehal Edgar Cabanlas. (RNQuiblat/SP)