Brgy. Bayanga aduna nay bag-ong CDC-Konsehal Daba

HAYAN makasinati  na  og  kahamugaway  nga  pagtungha ang kabataan sa Barangay Bayanga.

Kini human pormal nga gitunol sa lokal nga kagamhanan sa dakbayan ang bag-ong Child Development Center (CDC) diha sa Sitio Migkiwan, Barangay Bayanga.

Si Konsehal Suzette Magtajas Daba, Chairman sa Komite sa Edukasyon, mibutyag nga ang maong center gipaninguha  gayud sa administrasyon ni Mayor Klarex Uy aron mahatagan ang kabataan  sa barangay ingon man  ang  kasikbit nga dapit sa dekalidad nga edukasyon .

Sumala sa konsehal nga  ang bag-ong edipisyo hitsas na  sa facilidad nga komportableng magamit sa mga tinun-an.

Niini, hugot nga gipasalamatan ni Konsehal Suzette si Mayor Uy sa iyang walay sukod nga panlantaw  nga mahatagan  sa maayong kaugmaon ang kabataan sa tibuok dakbayan.