Bise Mayor Rodriguez miawhag sa mga barangay suportahan ang ilang SK

 KUSGANONG giawhag ni  Bise Mayor Bebot Rodriguez ang tanang  barangay nga suportahan  nila  ang ilang Sangguniang Kabataan (SK) aron masigurong  makasumite kini sa  tukmang panahon  labina nga kinahanglanon kaayo  kini  diha sa pag-aprobar sa ilang tagsa tagsa ka  annual budget.

Sumala  sa bise mayor, segun sa iyang kasinatian isip kanhi Punong Barangay sa Nazareth,  kasagarang hinungdan  nganong  dili magkadungan ang pag-aprobar  sa budget  kay gakalangan  ang ilang pagpasa  gawas nga dili usab sa kompleto ang ilang gisumiting rekisitos.

Mahinumdoman nga  gipangutana ni Konsehal Romeo Calizo ang kalainan sa timeline sa pag-aprobar sa mga budget  nganong dili man kini magkadungan.

Niini, gipaninguha ni Bise Mayor Rodriguez nga masolusyonan kini nga problema aron masigurong mahatag ang patas nga benepisyo sa tanan.