Bisan aprobado, mahimo kining amendahan-Konsehal Calizo

BISAN pa og aprobado  na ang  ordinansa  mahimo pa  gihapon kining  amendahan  ug ang tukmang  paagi sa pagtul-id niini  mao ang pagtumbok  kun unsay mga sayop nga angay usbon.

Kini ang reaksyon ni Konsehal Romeo Calizo, chairman sa komite sa public order sa special report ni Konsehal Rustico Achas sa sesyon sa Konseho  niadtong Lunes nga gidumala  ni Bise Mayor Bebot Rodriguez kalabot  iyang namatikdan  nga  walay  due process ang gihimong kabag-ohan   sa Ordinance no.13827-2020  kon septage and sewerage management system  tungod kay matod niya wala kini moagi sa public hearing.

Sumala sa konsehal  nga pabor siya sa  pagpalabang sa maong ordinansa  tungod kay nagkadako ang problema sa  septage and sewerage sa syudad.

Hinoon, gibutyag ni Konsehal Calizo nga mahimong wala kini miagi sa tukma nga legislative process apan ang komite andam sa angayang  mga kabag-ohan  ug aron  mawagtang  ang  elemento  sa bias.

Ang tukmang paagi sa pagtul-id niini mao ang pagtumbok  sa mga sayop  sa maong ordinansa aron kini makorehian. (JRGalano/SP)