Bernie misugyot subling tun-an CCTV Ordinance

KUSGANONG gisugyot ni Konsehal Bernie Esparcia nga marepaso ang CCTV ordinance sa syudad.

Kini ang sugyot sa konsehal atol sa sesyon sa konseho niadtong Lunes nga gidumala ni Bise Mayor Jocelyn Rodriguez human gituki ang sugyot ordinansa mag-amendar sa ordinansa nga nagdili ni bisan kinsa pagsuot og bonnet, helmet ug ubang face covering sulod sa mga pribado ug publikong establisamento.

Matod sa konsehal nga angayang subling lantawon ang ordinansa nga nagmando sa pag-instalar og CCTV dinha sa mga establisamento ug hatagan gayud kini sa ngipon kay daghan pang mga establisamento nga wala gayud nag-implementar niini.

Malaumon si Esparcia nga makatabang ang pag-instalar og CCTV cameras sa mga establisamento dinha sa paghatag og dugang seguridad.