Bernie misugyot matino giingong pangontrata sa mga rela, taxe, ubnp dihas pier

Angayang hatagan pagtagad ug tutukan ang giingong mga sakyanan nga gapamasahero diha sa pantalan sa syudad nga gapangontrata sa mga pasahero nga taas kaayo ang singil.

Kini ang reaksyon ni Konsehal Bernie Esparcia sa special report ni Konsehal James Judith II atol sa sesyon sa Konseho niadtong Lunes nga gidumala ni Bise Mayor Bebot Rodriguez mahitugod sa mga motorela, taxi, PUJ, van ug trisikad nga mangontrata sa taas nga pletehan bisan kun diha lang gikan sa Pier paingon sa Agora.

Matod ni Esparcia nga dako kaayo kining kaulawon kanato kun aduna kitay mga bisita nga makasinati niini nga unta nangyawat nga makadaginot apan nabutang nga nailad sila sa pipila ka mapahimuslanon sa higayon.

Hinoon, gibutyag ni Esparcia nga posibleng masolosyonan kini sa pag-aprobar ug pagpatuman sa sa Land Transportation Franchising Regulatory Board ( LTFRB) sa Local Public Traffic Route Plan (LPTRP) sa syudad.

Sa mga bag-ong rota sa syudad possible nga usa ang pantalan nga maagian niini sa pagpatuman apan samtang wala pa napatuman, angayan nga tan-awon kini nga problema ug tutokan aron mahunong ang maong hiwing binuhatan, panapos ni Esparcia.