Balor P29M nga annual budget sa Macasandig aprobado sa Konseho

HINGPIT nang mapatuman sa Barangay Macasandig ang ilang mga programa ug proyekto nga gipunduhan sa ilang 2022 Annual Budget.

Kini human ang Konseho sa syudad sa sesyon niadtong Lunes nga gidumala ni Bise Mayor Kikang Uy mipasaka sa resolusyon nga nag-uli sa ordinansa sa Macasandig diin nasukip ang gisumeteng annual budget nga adunay gibanabanang kinitaan ug galastohon nga kapin sa P29 milyones.

Lakip sa gipundohan sa barangay mao ang pagpatuman sa kapin P5.22 milyones nga 20% Development Fund nga naglangkob sa pagtukod ug pagtul-id og drainage system, pagtul-id sa health centers, pagtukod og pathway with drainage ug paglimpyo sa mga kanal sa tibouk barangay.

Ang resolusyon nga gisagop sa Konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam Lim ug Komite sa Pamalaod ni Konsehal Ian Mark Nacaya.