Balor P294M infra projects mapatuman

DUGANG 18 ka mga proyekto sa imprastraktura ang gipaabot nga mapatuman dinhi sa dakbayan karong tuiga.

Kini human ang Konseho sa syudad sa sesyon niadtong Lunes nga gidumala ni Bise Mayor Bebot Rodriguez, mihatag pag-uyon ug misagop sa Supplemental Annual Investment Program (SAIP) No. 4 alang sa CY 2023.

Lakip niini ang balor P152 milyones nga proyekto pagtukod sa City College Academic Building dinha sa Barangay Dansolihon; balor P30 milyones nga pag-ugmad sa yuta ug pag-abli og dalan paingon sa City College, Dansolihon; P84 milyones balor nga proyekto pagtukod sa Mega Health Center dinha sa Macanhan, Carmen; pagtibawas sa Kauswagan Health Center (P566 mil); pag-instalar og louvers dinha sa City National High School covered court, Nazareth (P863 mil), ug pagtukod sa stage sa Bulao Elementary School, Bulao, Iponan (P2.23 milyones).

Mapatuman usab karong tuiga ang mga proyekto nga gilantawng maghatag og kasayon sa kinabuhi sa katawhan. Kini naglakip sa pagtukod og footpath sa Sitio Mambato, Lapasan (P250 mil); pagsemento sa dalan dinha sa Zone 2, Canitoan (P7.98 milyones), dalan paingon sa Caduyanan Elementary School, Besigan (P2.51 milyones), dalan sa Zone 3, San Simon (P2.98 milyones), ug de La Paz nga hitsas sa drainage sa Zone 6, Kauswagan (P3.15 milyones); pagtukod sa drainage system ug pag-abli og dalan dinha sa Zone 2 YAWEH, Bayabas (P13.14 milyones), spillway sa Sitio Maputi, Tagpangi (P663 mil), drainage system sa Bulao Elementary School, Iponan (P1.96 milyones), pagtibawas sa drainage system sa St. Ignatius Streets, Zone 2, Kauswagan (P6.54 milyones), pag-abli og dalan dala na ang pagsemento dinha sa Zone 2 doul sa Kauswagan National High School, Kauswagan (P2.78 milyones), pagtibawas sa gisementong dalan nga adunay drainage sa St. Therese St., Kauswagan (P2.11 milyones), ug pagtukod og drainage system dinha sa Mandumol Road, Macasandig (P232 mil).