Balor P198.86M infra projects gilantawng mapatuman

GILANTAWNG mapatuman karong tuiga ang dugang 14 ka mga proyekto sa imprastraktura nga mobalor og P198.86 milyones kapin.

Kini ang nasukip sa gipaabot uyunan sa Konseho sa Syudad ubos ni Bise Mayor Bebot Rodriguez nga Supplemental Budget No. 5 sa General Fund nga adunay gibana-banang kinitaan ug galastohon balor P510.97 milyones ug Supplemental Budget No. 2 sa Special Account: Local Economic Enterprises/Utilities alang karong tuig 2023 nga aduna usa’y gibana-banang kinitaan ug galastohon balor P70.34 milyones kapin.

Lakip sa maong mga dugang proyekto sa imprastraktura mao ang pagtukod sa waste water treatment facility dinha sa merkado sa Cogon balor P32 milyones, waste water treatment facility sa merkado sa Carmen balor P27 milyones, CDRRMO satellite office dinha sa Barangay Agusan (P7, 379,700.00), drainage dinha sa Fernando Pacana St. paingon sa main drain sa Kauswagan (P4,140,524.00), stage dinha sa Bulao Elementary School sa Barangay Iponan (2,234,100.00), drainage system dinha sa Jariol Compound Mandumol Road sa Barangay Macasandig (P232,356.00), drainage system sa Zone 1 Bayabas (P8,099,643.00), drainage system sa Zone 6 Bayabas (P10,362,199.00), City College male dormitory (P26,250,000.00), City College female dormitory (P26,250,000.00), ug City College administration building (P28,350,000.00); pagkutay og linya sa kuryente dinha sa City College campus (P10 milyones); pagmugna sa linya sa panubig sa City College (P10 milyones), ug pagtukod sa drainage dinha sa AMFANA-HOA sa Barangay Carmen (P4,569,960.00).