Bag-ong Oro CDP-CDIP gisagop sa konseho

Hiniusang gisagop sa Konseho sa Syudad ubos ni Bise Mayor Bebot Rodriguez ang gisumete ni Mayor Klarex Uy nga bag-ong Comprehensive Development Plan – City Development Investment Program (CDP-CDIP) alang sa tuig 2020-2025.

Ang plano naghan-ay sa mga programa ug proyekto sa dakbayan nga gilantawng maghatag og dugang kalamboan ug kaarangan sa kinabuhi sa matag Kagay-anon.

Nasukip sa plano ang pagproteher sa kasubaan ug kadagatan ingon man sa kinaiyahan, pagtukod og pantalan dinha sa mga coastal barangay, siyento porsyentong (100%) pagdumala sa pampublikong sam-ang, pagtukod sa livestock auction market, pagtibawas sa gitukod nga sanitary landfill – Cell 3, pagtukod sa smart city, pagsemento sa mga dalan ug uban pang mga proyekto nga gihan-ay sa lokal nga kagamhanan nga ipatuman sulod sa nahabiling tulo ka tuig.

Ang maong CDP-CDIP nasukip sa Resolosyon No. 14615-2023 nga gisagop sa konseho atol sa gipahigayong Special Session sa milabayng semana.