Ayuda sa mga biktima sa sunog, baha dihas Kauswagan tukion sa konseho

GIPAABOT konsiderahon sa konseho sa syudad ubos ni Bise Mayor Kikang Uy ang ordinansang gipalabang sa barangay Kauswagan nga naggahin og igong kantidad aron magamit nga ayuda sa mga biktima sa sunog ug baha sa barangay.

Sa Ordinance No. 01-2022 nga gisumete sa barangay ngadto sa Konseho, gigahin ang kapin sa P69 mil gikan sa 5% Local Disaster Risk Reduction and Management Fund (LDRRMF) aron matunol nga ayudang pinansyal sa 11 ka mga pamilyang biktima sa kalamidad.

Niini, duha ka pamilya ang biktima sa sunog niadtong Nobyembre 26 sa milabayng tuig, usa ka pamilya ang biktima sa baha atol sa bagyong Odette ug walo ka pamilya usab ang biktima sa nahitabong sunog niadtong Enero 12, 2022.

Ang maong ordinansa sa barangay giduso ni Bise Mayor Kikang Uy ngadto sa komite sa barangay affairs ni Konsehal Alam Lim alang sa dugang pagtuon ug rekomendasyon.