Aplikasyon sa Poker House dihas Ketkai girekomendar

Paborableng girekomendar sa komite sa games and amusement ni Konsehal Roger Abaday ang aplikasyon sa Gensan Poker and Sports Club Inc. alang sa pag-operate og PAGCOR Licensed Poker House dinha sa Rosario Crescent sa Limketkai Center.

Ang komite miduso sa aplikasyon sa Gensan Poker ngadto sa komite sa pamalaod ni Konsehal Ian Mark Nacaya aron masukip sa agenda sa regular sesyon sa konseho ang sugyot resolosyon nga maghatag og pag-uyon sa maong aplikasyon.

Kini human ang buhatan sa City Legal misumete sa ilang rekomendasyon nga nahiuyon sa probisyon sa Codified Ordinance sa dakbayan ang aplikasyon sa Gensan Poker.

Hinuon, ang CLO miingon nga ang panugot madepende gihapon sa diskresyon sa kinatibuk-ang konseho.