Aplikasyon sa KM-8 IPDLAI gisuportahan sa Komite sa Planning

GISUPORTAHAN sa Komite sa Planning, Research and Innovation and People’s Organization, ubos ni Konsehal Ian Mark Nacaya, ang aplikasyon sa KM-8 Indigenous People Developing Livelihood Association, Incorporated nga nahimutang sa Barangay Lumbia  alang sa akredistayon sa Local Special Bodies sa syudad.

Kini human ang organisasyon nakasumite sa komite sa mga gikinahanglang dokumento ug rekisitos nga magpamatuod sa ilang  kapunungan nga adunay legal nga personalidad.

Lakip sa mga dokumento nga ilang  gisumite mao ang ilang registration sa Security and Exchange Commission (SEC), track record  sa  project development  and implementation, annual accomplishment report, financial statement ug uban pa.

Subay niini, paborableng  giindorso ni Konsehal Nacaya  ang aplikasyon sa maong organisasyon ngadto sa Komite  sa Palamaod ubos ni Konsehal Edgar Cabanlas alang  sa dugang aksyon ug rekomendasyon.