Aplikasyon sa Indahag Square Garden giuyunan sa komite sa games

GIUYUNAN  sa Komite sa Games and Amusement ni Konsehal Roger Abaday ang aplikasyon sa Indahag Square Garden alang sa ilang ipahigayon nga 2 wins hack fight karong umaabot Pebrero 14 ning tuig diha sa Barangay Indahag ning syudad.

Kini human ang tigdumala sa maong bulangan nakaduso sa tanang gikinahanlang rekisitos alang sa maong matang sa operasyon subay sa balaod sa syudad. Sa milabayng tigom sa komite, gipasabot ni Konsehal Abaday sa tigdumala nga kon  matuman ang tanan lagda andam nga mopaluyo ang komite alang sa maong katuyuan.

Niini ang maong aplikasyon giduso sa komite ngadto sa City Legal Office (CLO) alang sa dugang pagtuon ug rekomendasyon.