Aplikasyon sa e-Bingo, e-Games dihas GC Arcade girekomendar

Girekomendar sa komite sa games and amusement ni Konsehal Roger Abaday ang aplikasyon sa Adelante Gaming Enterprise Corporation nga maka-operate og PAGCOR e-Bingo ug e-games diha sa Grand Central (GC) Arcade sa Hayes St., Barangay 4, ning syudad.

Kini human nasuta sa komite sa gihimong pakisusi ug pagtuon sa aplikasyon nga nakompleto na ang tanang rekisitos ug nasunod sa korporasyon ang mga probisyon nga nalatid sa balaod alang sa maong matang sa operasyon.

Sa tigom sa komite, si Abaday mibutyag nga andam ang gobyerno lokal nga modawat sa mga gustong mosulod nga magpapatigayon sa syudad aron mobobo sa ilang negosyo kay dako kini og ikatabang dili lang sa panudlanan sa dakbayan kun dili sa paghatag og kahigayonan sa panarbaho sa mga Kagay-anon.

Nunot niini, giduso sa komite ngadto sa komite sa pamalaod ni Konsehal Ian Mark Nacaya ang hangyo alang sa dugang pagtuon ug nga masukip sa agenda sa sunod sesyon sa konseho.