Aplikasyon sa Digital TV station tukion sa Komite Public Utilities

KONSIDERAHON sa komite sa Public Utilities ni Konsehal Romeo Calizo ang aplikasyon nga giduso sa Advanced Media Broadcasting System Incorporated alang sa Certificate of Public Convenience (CPC).

Ang maong kompanya naglaraw pagtukod ug pag-operate sa Digital Terrestrial Television Broadcasting Station dinhi sa syudad.

Gilauman nga kon kini maaprobahan ug maka-operate daghang katawhan ang makapahimulos niini tungod sa mga impormasyon ug balita nga ilang mabasa ug madungog sa mga programa nga ipasundayag niini.

Niini ang komite gipaabot nga motuki sa maong aplikasyon aron mapaminaw ang ilang mga opinion ug mapresentar ang ilang katuyoan.