Aplikasyon sa derby sa Indahag Square Garden giaprobahan

GITUGOTAN sa Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, ang pagpahigayon sa 2 wins cockfight sa umaabot Nobyembre 2, 2023 dinha sa Indahag Square Garden, Sitio Lomboy, Barangay Indahag.

Kini human gipalabang sa Konseho ang ordinansa nga naghatag og panugot sa aplikasyon sa Northern Mindanao Gamefowl Breeders Association nga makapahigayon og sabong ingon man 3-Stag Invitational Derby sa Disyembre 20, 21 ug 22, 2023.

Nasayran nga nakompleto sa kapunungan ang tanang gikinahanglang rekisitos aron mahatagan sa panugot sa pagpahigayon sa maong kalihokan.

Si Konsehal Roger Abaday, Chairman sa Komite sa Games and Amusement, maoy nangamahan sa gipasakang resolusyon.