Aplikasyon sa AB Leisure Exponent tukion sa Komite sa Games

SA ilang tigom sa Mierkoles, Pebrero 12, ang Komite sa Games and Amusement ni Konsehal Roger Abaday, motuki sa sulat hangyo sa AB Leisure Exponent Inc nga matagaan sa business permit ang ilang pagpahigayon nga mga padula nga aprobado sa Philippine Amusement and Gaming Corporation.

Gilauman sa komite nga kompleto ug andam na ang mga gikinahanglang dokumento sa maong electronic gaming operator arun masiguro nga mahiuyon kini sa mga lagda ug reglamento sa syudad  aron kini  pormal nga maduso sa plenary.

Gidapit sa komite  sila si City Administrator Atty. Roy Hilario Raagas, City Legal Officer Atty Kenneth O. Tamala ug si Atty Kristine Margaret Delos Reyes, head of legal department and compliance officer sa maong korporasyon,

Regulatory and Compliance Board Chairman Atty Jose Edgardo Y. Uy, City engineer Joel V. Momongan ug  City Building Official Engr. Rossana Rodriguez, aron mapaminaw  ang  ilang panahom ug opinyon sa maong katuyuan. (FDCalotes/SP)