Aplikasyon sa AB Leisure Exponent tukion sa komite sa games

MAGTIGOM karong adlawa ang Komite sa Games and Amusement ni Konsehal Roger Abaday arun hisgutan ang sulat hangyo sa AB Leisure Exponent Inc. nga matagaan sa business permit sa pagpahigayon og mga padula nga aprobado sa Philippine Amusement and Gaming Corporation.

Gilauman sa komite nga andam na ang mga dokumento sa maong electronic gaming operator arun masiguro nga mahiuyon kini sa mga rekisitos nga gisitar sa ordinansa sa syudad una kini maduso sa hawanan sa Konseho.

Gidapit sa maong tigom sila si City Administrator Atty. Roy Hilario Raagas, City Legal Officer Atty Kenneth O. Tamala, ug si Atty Kristine Margaret Delos Reyes, head of legal department and compliance center sa maong korporasyon.

 Gidapit usad sa komitiba ni Abaday sila si Regulatory and Compliance Board Chairman Atty Jose Edgardo Y. Uy, Engr. Joel V. Momongan, city engineer, ug Engr. Rossana Rodriguez, city building official, aron magpaambit sa ilang panahom ug opinyon.