Aplikasyon pag-operate og e-bingo, e-games gipatun-an sa City Legal

Giduso ni Konsehal Roger Abaday, chairman sa komite sa games and amusement, ngadto sa buhatan sa City Legal Office (CLO) ang aplikasyon sa Grand Central Arcade diha sa Hayes Street, Barangay 4 alang sa pag-operate og PAGCOR licensed e-Bingo ug e-games.

Kini aron masiguro nga han-ay ang tanang gikinahanlang rekisitos aron ma-endorsar sa konseho ang aplikasyon.

Sa milabayng tigom sa komite gipasabot ni Abaday nga welcome sa syudad ang tanang gustong mobutang og negosyo kay dako kini og makatabang sa kinitaan sa syudad ug makahatag sa dugang pangempleyo sa katawhan apan matod niya kinihanlang mahisubay kini sa balaod, sumpay ni Abaday.

Niini, gipasalig ni Abaday nga kun wala nay mga kakulangon sa dokumento andam kining mopaluyo sa maong aplikasyon aron maduso ngadto sa plenaryo.