Annual budget sa SK Cugman giuyonan sa konseho

Atol sa ika-75 nga regular sesyon nga gipangulohan ni Bise Mayor Bebot Rodriguez, gipasa sa konseho sa syudad ang usa ka resolusyon nga mibalik sa 2024 Sangguniang Kabataan Annual Budget ngadto sa Barangay Cugman balor ₱2,758,517.00.

Ubos sa maong budget, ang SK Cugman nigahin ug pundo para sa programa sa panglawas, edukasyon, economic empowerment, ug environmental initiatives sama sa Himsog sa Pangisip: Youth for Mental Health Care, i-SKolar sa Cugman, SK Livelihood Training Program sa pakigtambayayong sa TESDA, ug EcoBalanceSK: Striking Harmony in Waste Management.

Dugang gipundohan sa SK Cugman ang ilang inisyatiba sa peace building ug security, partikular sa pagsumpo sa iligal nga droga pinaagi sa Barkada Konta Droga ug Kabataan Kalayaan: An OSAEC Awareness Program.

Buot usab nilang palig-unon ang pagdumala sa pangagamhanan pinaagi sa SK Leadership Training ug Seminar, ingon man ang Active Citizenship and Capacity Enhancement pinaagi sa Linggo ng Kabataan ug uban pang dugang programa alang sa social inclusion ug equity.

Ang resolusyon nga gisagop sa konseho alang sa maong katuyuan gipaluyohan sa Komite sa Sports & Youth Development ni Konsehal Kenneth John Sacala ug Komite sa Pamalaod ni Konsehal Edgar Cabanlas.