Annual Budget sa SK Canitoan giaprobahan sa konseho

Hingpit nang mapatuman ang mga programa ug proyekto sa Sangguniang Kabataan sa barangy Canitoan ning syudad.

Kini human ang konseho sa sesyon niadtong Lunes nga gidumala ni Bise Mayor Kikang Uy misagop og resolusyon nga nag-uli sa ordinansa sa maong barangay nga may kalabutan sa ilang 2021 Annual Budget balor P2,973,934.

Lakip sa gipunduhan sa barangay sa maong budget ang pagpalit og projector, laptop,printer, furnitures ug mga programa alang sa kabatan-onan.

Si Konsehal John Michael Seno, chairman sa komite sa sports and youth development, mibutyag nga hugot niyang gisuportahan ang maong lakang tungod dako kini og ikatabang sa mga kabatan-onan labina sa mga programa sa paugnat sa kusog og mga programang magpahilayo kanila sa mga dautang bisyo.

Ang resolusyon nga gipalabang sa konseho alang sa maong katuyuan gipaluyuhan sa komite sa sports ubos ni Konsehal Seno ug komite sa pamalaod ug reglamento ni konsehal Ian Mark Nacaya.