Annual budget sa SK Bonbon, gi-aprobahan sa konseho

HAYAN mapatuman na sa Sangguniang Kabataan (SK) sa Barangay Bonbon ang ilang mga programa ug proyekto alang sa kabatan-onan karong tuiga, human gi-aprobaran sa konseho sa dakbayan ang ilang Annual Budget nga adunay gibanabanang kinitaan ug galastuhon nga nagkantidad og ₱1,409,720.00.

Gitagaan og prayoridad sa SK ang mga proyekto alang sa youth development ug empowerment, diin ang ₱1,030,000.00 gipang-apod-apod sa mga inisyatiba nga nagtumong sa pagpalambo sa kabatan-onan sa lain-laing aspeto sama sa panglawas, edukasyon, social inclusion ug equity, kalinaw ug seguridad, maayong panggobyerno, active citizenship, kalikupan, global mobility, ug agrikultura.

Lakip sa gipundohan ang personal services alang sa SK honorarium nga nagkantidad og ₱324,000.00 ug ₱55,720.00 alang sa maintenance ug operating expenses, lakip na ang gasto sa biyahe, mga gamit sa opisina, fidelity bond premium, ug mga membership dues ug kontribusyon sa mga organisasyon.

Ang resolusyon nga gisagop sa konseho alang sa maong katuyuan gipaluyuhan sa Komite sa Sports and Youth Development ni Konsehal Kenneth John Sacala ug Komite sa Pamalaod ug Reglamento ni Konsehal Edgar Cabanlas.