Annual Budget sa Brgy 38 giuyonan sa konseho

Mapatuman na sa Barangay 38 ang ilang mga programa ug proyektong gipundohan karong tuig 2023. Kini human ang Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, misagop sa resolusyon nga nag-uli sa ordinansa sa barangay nga naglangkob sa 2023 Annual Budget nga adunay gibanabanang kinitaan ug galastohon balor sa P3,098,894.00.

Ubos sa maong budget, P154,945.00 ang gigahin alang sa Quick Response, pagpalit og supplies ug ekipo nga magamit panahon sa kalamidad ug laing P309,889.00 ang gigahin alang sa Youth Develoment Program. Migahin usab ang barangay og P314,979.00 aron magamit pagrehabilitar sa drainage system ug Material Recovery Facilities (MRF).

Ang resolusyon nga gipalabang sa konseho alang sa maong katuyuan gipaluyuhan sa Komite sa Barangay Affairs ni Konsehal Yan Lam S. Lim ug Komite sa Pamalaod ni Konsehal Edgar Cabanlas.