Annual budget sa Brgy. 32 SK giuyonan sa konseho

ATOL sa ika-85 nga regular sesyon nga gidumala ni Bise Mayor Bebot Rodriguez, gipasa sa konseho sa syudad ang usa ka resolusyon nga nag-uli sa ordinansa sa SK Barangay 32 diin nasukip ang ilang 2024 Annual Budget nga nagbalor og ₱554,301.00. 

Ubos sa maong budget, ang s mi-allocate og pundo alang sa mga programa sa youth development ug empowerment nga nagtumong sa pag-ugmad sa mga kabatan-onan sa mga aspeto sama sa edukasyon, ekonomikanhong kalamboan, panglawas, pagpalambo sa kalinaw ug kaseguridadan, pagdumala, ug aktibong pagtambayayong. 

Dugang pa, ang maong SK council mipahinungod sa pundo alang sa honoraria sa mga miyembro ug uban pang maintenance and operating expenses sama sa office supply ug mga gastuhon sa tambal.

Ang resolusyon nga gisagop sa konseho alang sa maong katuyuan gipaluyuhan sa Komite sa Sports and Youth Development ni Konsehal Kenneth John Sacala ug Komite sa Pamalaod ni Konsehal Edgar Cabanlas.