Annual Budget sa Brgy 14 giaprobahan sa konseho

Hingpit nang maimplementar sa Barangay 14 ning syudad ang ilang mga programa ug proyekto karong tuiga.

Kini human ang konseho sa syudad ubos ni Bise Mayor Jocelyn Rodriguez sa sesyon niadtong Lunes nga gidumala ni presiding officer protempore Konsehal Edgar Cabanlas misagop og resolusyon nga nag-uli sa ordinansa sa maong barangay nga may kalabutan sa ilang Annual Budget nga adunay gibana-banang kinitaan balor P3,757,637.

Sa maong budget , mokabat sa P385 ,031 ang gigahin alang sa 20 porsyentong development alang sa pagpatuman sa mga proyekto, P375,764 alang sa Sangguniang kabataan ug P187,882 alang sa Barangay Disaster Risk Reduction Management Fund.

Nasayran ang maong lakang miagi sa makuting dileberasyon sa mga hintungdang komite sa konseho og nasuta nga nahiuyon balaod og mahimo nang mapatuman sa labing dali nga panahon.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ug reglamento ubos ni Konsehal Ian Mark Nacaya.