Annual budget sa Barangay 5 giuyonan sa Konseho

GILAUMAN nga matagamtaman sa katawhan sa Barangay 5 ang dugang  kalamboan sa ilang dapit.

Kini human ang Konseho sa sesyon  kagahapon nga gidumala ni Bise Mayor Bebot Rodriguez hiniusang misagop og resolusyon nga nag-uli sa ordinansa sa barangay nga may kalabotan sa ilang 2024 Annual Budget nga adunay gibanabanang kinitaan ug galastohon P 3, 441,735 alang sa implementasyon.

Lakip sa gipundohan sa barangay sa maong budget ang pagrehabilitar sa ilang kadalanan, pag-instalar og suga sa kadalanan ug ingon man paghinlo sa ilang drainages ug canals.

Samtang  migahin usab ang  barangay og igong pundo aron ipalit  sa ekipo ug supplies nga magamit panahon sa kalamidad.

Ang resolusyon nga gisagop sa Konseho alang sa maong katuyuan gipaluyohan sa Komite sa Barangay Affairs ni Konsehal Yan Lam Lim ug Komite sa Pamalaod ug Reglamento ubos ni Konsehal Edgar Cabanlas.