Animal control and welfare ordinance tukion sa 2 ka komite

HINIUSANG magtigom karong alas 9:30 sa buntag diha sa hawanan sa konseho ang komite sa agriculture ubos ni Konsehal Jay Roa Pascual ug komite sa health and nutrition ni Konsehal Malou Gaane alang sa pagtuki sa sugyot pag-revise sa Ordinance No. 9852-2005 kon Animal Control and Welfare Ordinance sa dakbayan.

Mahinumdoman nga kini ang unod sa taho ni Konsehal Bernie Esparcia atol sa milabayng sesyon sa konseho sa tinguha nga maghatag og kapasegurohan sa mga hayop panahon sa katalagman ug aron adunay basihanan ang kagamhanan nga makamugna og kaugalingong animal rescue shelter.

Niini gidapit sa maong tigom sila si Konsehal Bernie Esparcia, Konsehal Yan Lam Lim, City Administrator Atty. Roy Hilario Raagas, City Legal Officer Atty Kenneth O. Tamala, City Agriculturist Paterno Gonzales, Jr., Acting City Veterinarian Dr. Helen Tacandong ug Acting City Budget Officer Roxanne Mae Ravidas,  aron makahatag sa ilang  panahom ug opinyon. (photo by Philippine News Agency)