Amnestiya sa Estate Tax gilugwayan, Konsehal Goking

SI KONSEHAL George S. Goking, chairman sa komite sa ways and means mipahibalo ngadto sa mga negosyante ug sa katawhan nga adunay problema sa balayronon sa Estate Tax nga gilugwayan sa gobyerno ang gitanyag niini nga Estate Tax Amnesty .

Kini human si Presidente Rodrigo R. Duterte pinaagi sa Republic Act No. 11569 mihatag og lugway sa Estate Tax Amnesty og uban pang mga katuyoan.

Matod ni Konsehal Goking nga ang tax amnesty dako kaayo og ikatabang niadtong adunay problema sa ilang mga balayronon ilabina kay ang tanan nag-antos niining panahon sa pandemya nga dala sa Covid-19.

Nasayran nga ang Estate Tax usa sa klase sa buhisan nga gikolekta ngadto sa indibidwal sa panahon nga ibalhin ang iyang kabtangan ngadto sa iyang legal nga mga sumosunod o benepisaryo sa panahon sa iyang kamatayon.

Mas maayo unta nga mahatagan kini og pagtagad niadtong adunay mga problema sa buluhisan ug kini nga lugway sa amenstiya molungtad hangtod sa tuig 2023, pamahayag ni konsehal Goking.