Achas naninguha masolosyonan mga mulo sa fisherfolks

SI Konsehal Ian Achas, chairman sa komite sa fisheries and aquatic resources, naninguha nga masolosyonan ang mulo sa mga mangingisda sa pipila ka barangay sa syudad.

Sa milabayng adlaw, ang konsehal nakigtagbo sa mga sakop sa Puerto Active Small Fishermen Association aron mapangitaan sa pamaagi nga marehistro ang ilang mga pump boat. Sa maong tigom, ang mga mangingisda mibutyag sa ilang nasinating kalisod sa pagparehistro tungod sa daghang mga rekisitos ug balayronon. Dugang niini, gihangyo usab nga mahimo ang pagrehistro matag tulo ka tuig imbis na matag tuig subay sa gisitar sa ordinansa.

Niini, ang kapunungan mipadangat sa interest nga maabagan nga mahimong kooperatiba aron makapahimulos sa mga ayuda nga gitagana sa gobyerno.