Achas mitaho sa kalamboan sa dagan sa trapiko sa Puerto highway

Dako ang kahingawa ni Konsehal Christian Rustico Achas, chairman sa Komite sa Fisheries and Aquatic Resources sa kalamboan sa dagan sa trapiko diha sa Puerto highway diin nakita niini nga adunay pag-gaan sa dagan sukwahi sa milabayng mga semana nga napuno sa reklamo sa mga motorist tungod sa pagkahu-ot sa mga sakyanan nga gani miabot pa sa konseho ang maong mga mulo.

Kini ang unod sa special report ni Achas atol sa sesyon niadtong Lunes nga gidumala ni Presiding Officer Pro Tempore Konsehal Romeo Calizo. Sumala ni Achas nga iyang gidayeg ang inisyatibo ni Kapitan Ebod Meliza sa Barangay Agusan nga nangita ug pamaagi nga makatabang nga masulbad ang problema sa trapiko sa maong dapit diin pwede man diay nga dili na moabot pa sa konseho. Si Achas midogang nga wala magkulang sa koordinasyon ang , hinoon iyang gikahingawa ang pagsaway diin unta angayan respitohon ug pasalamatan tungod sa mga proyekto nga ilang gi-implementar nga makapalambo sa syudad.

Nunot niini, nanawagan si Konsehal Achas sa mga kadagkuan sa DPWH ug kang Congressman Rufus Rodriguez nga maoy naninguha ug naningkamot sa maong proyekto nga mapadali ang pagtibawas alang sa kasulbaran sa trapik sa dapit.