Access road dihas Lumbia masemento dili madugay

HAYAN masemento na ang 0.135 kilometrong Barangay Access Road nga nahimutang sa Zone 2 Barangay Lumbia ning syudad.

Kini human ang konseho sa sesyon niadtong Lunes nga gidumala ni Bise Mayor Kikang Uy misagop og resolusyon nga mipadayag sa walay pagsupak sa laraw pagsemento sa maong dalan ubos sa Kapitbisig Laban sa Kahirapan –Comprehensive and Integrated

Delivery of Social Services: Kapangyarihan at Kaunlaran sa Barangay (KALAHI-CIDSS:KKB) sa Deparment of Social Welfare and Development (DSWD).

Mahinduman nga si Lumbia Punong Barangay Alexander Torralba una nang mihangyo nga maaprobahan ang nahisgutang proyekto aron nga marelease ang pundo niini alang sa maong katuyoan.

Si Konsehal Ian Mark Nacaya, chairman sa komite sa pamalaod ug reglamento mibutyag nga dako og ikatabang ang maong proyekto sa katawhan labina nga maghatag kinig kasayon sa mga mag-uuma sa pagdala sa ilang mga produkto paingon sa sentrong

bahin sa syudad.