Academy learning lesson sa mga kabatan-onan gisuportahan ni konsehal Seno

SI Konsehal John Michael Seno, chairman sa komite sa Sports and Youth Development sa konseho hugot nga misuporta sa mga programa sa kabatan-onan sa dakbayan sa Cagayan de Oro.

Mahinumdoman nga ang Oro Youth Development Office (OYDO), Sangguniang Kabataan (SK) Federation uban sa pag-abag sa kagamhanan ug sa buhatan sa Department of the Interior and Local Government (DILG) nagpahigayon og Oro SK Academy Learning Sessions alang sa tanang SK officials sa dakbayan.

Nasayran nga usa kini ka online training series program nga nagsugod ang unang hugna niadtong Hulyo 21-22, 2021 ang katuyoan paghatag giya og kalig-on sa mga SK officials sa pagpangulo ug pagdumala sa

ilang tagsa-tagsa ka barangay.

Matod ni Konsehal Seno nga ilang gitinguha nga mahatagan ang kabatan-onan og technical assistance sa pagproseso sa ilang Comprehensive Barangay Youth Development Plan (CBYDP), Annual Barangay Youth Investment Plan (ABYIP) ug Annual Budget.

Niini, si Konsehal Seno kusganong nanawagan sa tanang SK officials sa dakbayan nga pagsalmot sa ikaduhang hugna sa programa karong umaabot Sabado, Agosto 7, 2021 alas 9 sa buntag pinaagi sa zoom nga may temang “Orientation and My Leadership Journey”.

Alang sa dugang impormasyon mamahimong motawag sa 09175080731 o mag-email sa oroyouthcon@gmail.com, pahibalo ni konsehal Seno.