Abbu misugyot sa Konseho nga mangilabotsa pagsulbad sa problema sa COWD

“I would like to agree with the manifestation of the good reporter that the city government thru the City Council should intervene on the matter because it involves public interest and hopefully we can do something to resolve this matter amicably”.

Kini ang gibutyag ni Konsehal Joey Abbu, Jr., chairman sa komite sa labor and development sa Konseho, agig reaksyon sa special report ni Konsehal Edgar Cabanlas  sa sesyon niadtong Lunes nga gidumala ni Presiding Officer Protempore Konsehal Romeo Calizo kabahin sa kasamtangang panghitabo sa Cagayan de Oro Water District (COWD).

Sa pangutana sa konsehal kon kinsa ba gayud ang adunay katungod sa paglingkod isip board of directors (BOD) diha sa COWD karon, ang Interim ba o ang regular nga miyembro nga BOD, gipasabot ni Abbu nga ang maong pangutana naa sa pagbuot ug desisyon sa korte, dili sa konseho o bisan ang gobyerno lokal.

Siya midugang nga ang bugtong gahom sa kagamhanan sa dakbayan ngadto sa COWD mao lang ang pagtudlo sa BOD, apan kon bahin sa pagdumala ug operasyon sa maong institusyon wala awtoridad o hurisdiksyon ang dakbayan.

Dako ang paglaum sa konsehal nga masulbad kini nga butang sa maayong pamaagi.

Niini, usa ka resolusyon ang gisagop sa konseho nga gipangamahanan ni Konsehal Joey Abbu, Jr. nga naghangyo sa Office of the Government Corporate Counsel (OGCC) Manila nga mangilabot sa panagbangi tali sa Interim BOD ug sa regular BOD sa Cagayan de Oro Water District. (RNQuiblat/SP)