Abaday uyon nga tun-an ang gabayan pagpa sulod sa sementeryo

SUPORTADO ni konsehal Roger Abaday, chairman sa Komite sa Senior Citizens, ang panawagan ug hangyo ni Konsehal Edgar Cabanlas nga loagan na ang higpit nga gipatumang gabayan sa mga sementeryo sa syudad.

Sa sesyon niadtong Lunes nga gidumala ni Bise Mayor Kikang Uy, gikabutyag ni Abaday nga angay sutaon ug tun-an pag-ayo sa mga experto ang mga gabayan sa pag dili pagpasulod sa mga sementeryo sa tuyo nga malikayan ang pagkuyanap sa Covid-19 sa

syudad.

Dugang pa niini nga gitugotan ang katawhan pagsulod sa mga malls nga sirado ang maong dapit kumpara sa mga sementeryo nga abli ang palibot ug layo sa pagtinakdanay sa maong virus.

Malaumon si Konsehal Abaday nga mahatagan kini ug pagtagad sa mga naglangkob sa Inter-Agency Task Force ang mulo sa katawhan sa tinguha nga makabisita kini sa ilang mga kaparentihan nga mitaliwan na sa laing kinabuhi apan ubos gihapon sa

pagpahinumdom sa katawhan sa hugot nga pagpatuman sa minimum health standard sa goberno.