Abaday suportado ang resolusyon nga nagsupak sa paglugway sa COWD interim officers

HUGTANONG gisuportahan ni Konsehal Roger Abadayang resolusyon nga gipalabang sa konseho nga nagpadayag sa pagsupak sa paglugway sa kasamtangang pagdumala sa Cagayan de Oro Water District sa interim general manager ug interim Board of Directors niini.

Kini ang pamahayag ni Abaday agig reaksyon sa special report ni Konsehal James Judith atol sa sesyon niadtong Lunes nga gidumala ni Bise Mayor Bebot Rodriguez kabahin sa maong isyu.

Sumala ni Konsehal Abaday nga  dili na  angayan  ibalik  pa sa komite level ang maong isyu tungod kay mosamot pa kini nga malangan.

Tungod sa padayong kagubot sa mga kawani sa nasangpit nga buhatan, gikinahanglan na ang pag-interbener sa Konseho pinaagi sa pagduso sa maong resolusyon, sumpay ni Abaday.

Malaumon ang konsehal nga masolusyonan na ang nasinateng problema sa Cagayan de Oro Water District nga nakahatag purwisyo sa mga konsumador ingon man sa mga trabahante sa nasangpit nga opisina.