Abaday naninguha masolosyonan kakulangon sa Sanitary Landfill

Dako ang kabalaka ni Konsehal Roger Abaday, chairman sa Komite sa Environment, nga moabot ang panahon nga dugang sagubangon ang problema sa sanitary landfill tungod kay daghan sa mga lokal nga kagamhanan ang wala mipatuman sa Solid Waste Management Plan. Kini ang unod sa special report ni Abaday atol sa sesyon niadtong Lunes nga gidumala ni Presiding Officer Protempore Konsehal Romeo Calizo.

Matud ni Abaday nga luya ang pagpatuman sa maong balaod tungod matod pa sa limitado nga rekorso sa gobyerno, gani dinhi sa syudad, mokabat sa 1,600 cubic meter matag adlaw o’ 48 tonelada matag bulan ang maglabay sa basura diha sa Pagalungan Sanitary Landfill. Siya nanawagan sa mga ahensya sa gobyerno, mga tunghaan lakip na sa mga pribadong establisamento nga ipatuman ang ecological solidwaste management program ilabina ang pagbahin bahin sa basura aron malikayam ang trahedya.

Ang taho ni Abaday giduso ni Calizo ngadto sa Komite sa Panglawas ni Konsehal Malou Gaane, Komite sa Barangay Affairs ni Konsehal Alam Lim ug Komite sa Environment alang sa makuting pagtuon ug rekomendasyon.