Abaday nagpadangat sa iyang pagpahilipay sa mga athletang pinoy

SI Konsehal Roger Abaday, chairman sa komite sa Games and Amusement, personal nga nagpaabot sa iyang pahalipay ngadto sa mga athletang pinoy nga misalmot sa bag-ohay palang Olympics sa Tokyo Japan.

Sa sesyon niadtong Lunes nga gidumala ni Bise Mayor Kikang Uy, matod ni Abaday nga angayan pasidunggan nato ang mga athletang pinoy nga naningkamot nga makadala ug dungog alang sa nasud.

Niini suportado ug gipaluyohan ni Abaday ang resolusyon nga naghatag ug P2 milyones nga pahalipay ngadto kang Carlo Paalam kinsa lumad sa syudad sa Cagayan de Oro nga naka sakmit sa silver medal sa natad sa boxing.

Sa laing bahin, pasidunggan usab sa konsehal sila si Hydelyn Diaz, ang unang pinay nga nakaangkon sa gold medal, Nestie Petecio, silver medal ug Yomer Marcial, bronze medal.

Nunot niini nagtoo si Abaday nga daghan nang mga athletang pinoy ang maningkamot, maninguha ug magmadasigon gumikan sa gipakitang suporta sa goberno.